काठमाडौं । रास्वपा संसदीय दलको नेता ३६ वर्षीय बालेन्द्र शाह (बालेन) आज नेपालको नयाँ प्रधानमन्त्री बन्दै हुनुहुन्छ ।
राष्ट्रपति रामचन्द्र पौडेलले दिउँसो १२:३० बजे रास्वपा संसदीय दलका नेता बालेन शाहलाई प्रधानमन्त्री पदको शपथ ग्रहण गराउन लाग्नुभएको हो । सपथ लगत्तै शाहले दिउँसो सवा २ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा पुगेर पद बहाली गर्नुहुनेछ । नेपालको संविधानको धारा ७६ को उपधारा १ अनुसार रास्वपाको एकल सरकार गठन हुदैछ । गत फागुन २१ मा सम्पन्न प्रतिनिधिसभा सदस्य निर्वाचनमा रास्वपाले १८२ सिट जितेको थियो।
प्रधानमन्त्रीको शपथसँगै आजै मन्त्रीहरूको पनि शपथ गराइने बताइएको छ । मन्त्रीको नाम रास्वपाले सार्वजनिक गरेको छैन ।
प्रधानमन्त्रीको शपथ ग्रहण समारोहमा ७ वटा शंखबाट शखनाथ, १०८ जना बटुकबाट स्वस्ती शान्ति वाचन र १६ जना बौद्ध भिक्षुबाट अष्ठमंगल पाठ गर्नेगरि तयारी गरिएको छ ।
लाइभ न्युज
तपाईको प्रतिक्रिया