काठमाडौं । संसद् सचिवालयको आह्वानमा आज सर्वदलीय बैठक बस्दैछ । दिउँसो एक बजे संघीय संसद सचिवालयका महासचिव पद्मप्रसाद पाण्डेको कार्यकक्षमा बस्ने बैठकमा आगामी संसद बैठक सञ्चालनको सन्दर्भमा छलफल हुने बताइएको छ ।
आजको बैठकमा दलीय प्रतिनिधि, सरकारका प्रतिनिधि र संघीय संसद् सचिवालयका कर्मचारीहरु सहभागी हुनेछन् । गत फागुन २१ को निर्वाचनबाट निर्वाचित सांसदहरूको पहिलो बैठक चैत १९ गते दिउँसो २ बजेका लागि बोलाइएको छ । प्रतिनिधिसभाको पहिलो बैठकले सभामुख निर्वाचनको प्रक्रिया अगाडि बढाउनेछ । राजनीतिक दलहरूले चाहेको खण्डमा शीर्ष नेताहरूले शुभकामना सम्बोधन गर्ने अभ्यासले समेत निरन्तरता पाउनेछ ।
यस्तो छ प्रतिनिधि सभामा दलीय हैसियत
रास्वपा, कांग्रेस, एमाले, नेकपा, श्रमसंस्कृति र राप्रपा गरी ६ वटा दलले प्रतिनिधिसभामा राष्ट्रिय मान्यतासहित प्रतिनिधित्व गर्दैछन् । बैज्ञानिक महावीर पुन स्वतन्त्र सांसदका रुपमा रहनुहुनेछ । २७५ सदस्यीय प्रतिनिधिसभामा रास्वपाबाट १८२ सांसद सहित पहिलो बन्दा, कांग्रेस ३८ सांसदसहित दोश्रो, एमाले २५ सांसदसहित तेश्रो, नेकपाका १७ सांसदसहित चौथो दलको हैसियतमा रहनेछ । पहिलोपटक निर्वाचनमा सहभागी हर्क साम्पाङ नेतृत्वको श्रम संस्कृति पार्टी ७ सिटसहित पाँचौं दल बन्दा राष्ट्रिय प्रजातन्त्र पार्टी ५ सिट सहित छैटौं दल बनेको छ ।
लाइभ न्युज
तपाईको प्रतिक्रिया