नेपालीको सुरक्षाका लागि ‘इमर्जेन्सी रेस्पोन्स टिम’ गठन

काठमाडौं । परराष्ट्र मन्त्रालयका सचिव अमृतबहादुर राईको नेतृत्वमा मध्यपूर्वमा रहेका नेपालीको सुरक्षाका लागि ‘इमर्जेन्सी रेस्पोन्स टिम’ गठन गरिएको छ।

टिममा परराष्ट्र, गृह, अर्थ, कानुन, श्रम, नागरिक उड्डयन लगायतका मन्त्रालय र सम्बन्धित निकायका प्रतिनिधि रहनेछन्। मन्त्रालयले मंगलबार पत्रकार सम्मेलनमार्फत टिमको गठन र उद्देश्य बारे जानकारी दिएको हो । यता, अबुधाबीस्थित नेपाली राजदूतावासले युएईमा अलपत्र परेका नेपाली नागरिकहरूको सुरक्षाका लागि विशेष उद्धार पोर्टल मार्च ३ देखि सञ्चालनमा ल्याएको छ। यस पोर्टलमार्फत राजदुतावासले युएईमा अलपत्र परेका, भिसा रद्द भएका, वा नेपाल फर्किन टिकट काटिसकेका नेपालीहरुलाइ आफ्नो विवरण अपडेट गर्न बिज्ञप्ती मार्फत आग्रह गरिएको छ।

फेब्रुअरी २८ पछि ओभरस्टे भएका नागरिकहरूलाई जरिवाना नलाग्ने समेत बिज्ञप्तीमार्फत जानकारी गराईएको छ ।