Techie IT
Saturday July 24, 2021  |   शनिबार, साउन ९, २०७८
गृहपृष्ठ » Australia » अष्ट्रेलियाका पत्रकारले चुने तीन सल्लाहकार

अष्ट्रेलियाका पत्रकारले चुने तीन सल्लाहकार


595 Views

ब्रिजवेन
अष्ट्रेलियाका नेपाली पत्रकारहरुको संगठनले तीन सल्लाहकार नियुक्त गरेको छ । अष्ट्रेलियन नेपलिज जर्नलिष्ट एशोसियसन एन्जाले पत्रकारितामा लामो समय योगदान गरेका दुइ पत्रकार डाक्टर भरतराज पौडेल, मनऋषी धिताल र अग्रज कानुन व्यवसायी सम्शेरसिंह थापालाई सल्लाहकारमा नियुक्त गरेको हो ।
आइतबार बसेको एन्जा कार्यसमितिको बैठकले तीनै जना सल्लाहकारलाई सर्वसम्मतिले नियुक्त गरेको एन्जाका अध्यक्ष हेमन्त काफ्लेले जानकारी दिनुभयो । त्यस्तै एन्जाले पब्लिक अफिसरमा साउथ एसियन डट कमका सम्पादक राम खत्री र प्रवक्तामा नेपाल ट्युबका सम्पादक सरल गुरुङलाई नियुक्त गरेको छ । गुरुङ एन्जाका सचिव समेत हुन् । आफ्नो पेशामा अग्लो कद बनाउनुभएका सल्लाहकारहरुबाट संस्थालाई अगाडी बढाउन सकारात्मक मार्गदर्शन मिल्नेछ भन्नेमा एन्जा विश्वस्त रहेको अध्यक्ष काफ्लेले बताउनुभयो ।

 

एन्जाका नवनियुक्त पब्लिक अफिसर राम खत्री 

अष्ट्रेलियामा रहेर नेपाली समुदायका लागि पत्रकारिता गरिरहेका नेपालीमूलका पत्रकारहरुको हकहितका लागि गत वर्ष एन्जा गठन भएको हो । गत अप्रिलमा एडिलेडमा भएको पहिलो साधारण सभाले हेमन्त काफ्लेको अध्यक्षतामा १३ सदस्यीय कार्यसमिति चयन गरेको थियो । एन्जाले अष्ट्रेलियामा कार्यरत नेपालीमूलका पत्रकारहरुको क्षमता अभिर्वद्धी गर्न विभिन्न पेशागत तालिमको समेत व्यवस्था गर्दै आएको छ ।

 

 

 

 

क्याटेगोरी : Australia, News



प्रतिक्रिया दिनुहोस

-Advertisement-