Techie IT
Monday November 30, 2020  |   सोमवार, मंसिर १५, २०७७
गृहपृष्ठ » Breaking News » एकैदिन ६ जनाको कोरोनाबाट मृत्यु, नेपालमा समुदायमा संक्रमण

एकैदिन ६ जनाको कोरोनाबाट मृत्यु, नेपालमा समुदायमा संक्रमण


282 Views

काठमाडौं । काठमाडौं उपत्यका सहित वीरगञ्ज, सप्तरी, बिराटनगर लगायतका बढी जनघनत्व भएका शहरहरुमा समुदायस्तरमा कोरोना भाइरस फैलिएको आशंका गरिदैगर्दा बुधबार एकैदिन ६ जना संक्रमितको मृत्यु भएको छ । नेपालमा एकैदिन मृत्युभएको यो संख्या नै सबैभन्दा बढी हो ।

पर्सामा २ को मृत्यु
कोरोना संक्रमणबाट पर्सामा थप दुई जनाको मृत्यु भएको छ । मधुमेहका बिरामी समेत रहेका वीरगञ्ज–१५ भिश्वाका ४६ बर्षीय पुरुषको वीरगञ्ज हेल्थकेयर कोभिड अस्पतालमा उपचारका क्रममा र पोखरिया नगरपालिका–९ कि १८ वर्षीया युवतीको उपचारका लागि नेशनल मेडिकल कलेज पुर्याउँदैगर्दा मृत्यु भएको थियो

मोरङमा २ को मृत्यु
मोरङमा कोशी अस्पताल, विराटनगरको आइसोलेसन कक्षमा मृत्यु भएका विराटनगरका पुरुष र रंगेली नगरपालिका– ८ दर्बेसाका ४५ वर्षीय पुरुषको अस्पताल लैजाने क्रममा मृत्यु भएको थियो ।

काठमाडौंमा ६५ वर्षीया महिलाको मृत्यु
बलम्बुस्थित सशस्त्र प्रहरीको अस्पतालमा उपचाररत सर्लाही–६ मलंगवाकी ६५ वर्षीया महिलाको उपचारका क्रममा मृत्यु भएको छ ।

सप्तरीमा एक जनामा कोरोना दुईको रिपोर्ट नेगेटिभ
सप्तरीमा मृत्यु भएका तीन जनामध्ये एक जनामा मात्रै कोरोना संक्रमण पुष्टि भएको छ । करिब डेढ महिनाअघि मलेसियाबाट फर्किएका रुपनी गाउँपालिका ५ गढियाका ४५ बर्षीय पुरुषमा कोरोना संक्रमण पुष्टि भएको हो । थप उपचारका लागि वीपी कोइराला स्वास्थ्य विज्ञान प्रतिष्ठान, धरान लैजानेक्रममा उनको बाटोमै मृत्यु भयो । डाक्नेश्वरी नगरपालिका ९ का ७४ बर्षीय र राजगढ गाउँपालिकाका ७१ बर्षीय बृद्धमा भने कोरोना संक्रमण देखिएन । योसँगै कोरोना संक्रमणबाट ज्यान गुमाउनेको संख्या नेपालमा ६४ पुगेको छ ।

संक्रमण र उपचार
बुधबार थप ३८१ ज्नामा संक्रमण पुष्टि भएसँगै नेपालमा कोरोना संक्रमितको संख्या २१ हजार ३ सय ९० पुगेको छ । बुधबार पर्सामा १५१ जना, काठमाडौं उपत्यकामा ६२ जना सहित देशका विभिन्न स्थानमा ३८१ संक्रमित थपिदा १३० जना डिस्चार्ज भएका थिए । अहिलेसम्म १५ हजार १५६ जनाले कोरोना जितेका छन् ।

क्याटेगोरी : Breaking News, Breaking News, Nepal, News



प्रतिक्रिया दिनुहोस

-Advertisement-