Techie IT
Mon, September 20, 2021  |   सोमवार, अशोज ४, २०७८
गृहपृष्ठ » Breaking News » विप्लव समूह अब शान्तिपूर्ण राजनीतिमा, तीन बुँदे सहमतिको विस्तृत खुलाशा शुक्रबार

विप्लव समूह अब शान्तिपूर्ण राजनीतिमा, तीन बुँदे सहमतिको विस्तृत खुलाशा शुक्रबार

शुक्रबार प्रधानमन्त्री ओली र नेपाल कम्युनिस्ट पार्टीका महासचिव ‘विप्लव’को सम्बोधन


246 Views

काठमाडौं । सरकार र प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीबीच तीन बुँदे सहमति भएसँगै विप्लव समूहले हिंसाको बाटो छोड्ने भएको छ । बुधबार दुई चरण र बिहीबार एक चरण सरकार र विप्लव समूहबीच भएको वार्ताबाट तीन बुँदे सहमति भएसँगै विप्लव समूह शान्तिपूर्ण राजनीतिमा आउने भएको हो ।

सहमतिअनुसार विप्लव नेतृत्वको नेकपाले आफ्ना सम्पूर्ण राजनीतिक विषयहरुको समाधान संवादका माध्यमबाट गर्ने, आफ्ना सम्पूर्ण राजनीतिक क्रियाकलापहरु शान्तिपूर्ण रुपमा संचालन गर्ने र नेपाल सरकारका तर्फबाट लागइएको पार्टीमाथिको प्रतिबन्ध हटाउने, सम्पूर्ण बन्दीको रिहाई र मुद्दा खारेजी हुने भएको छ । सहमतिको विस्तृत विवरण शुक्रबार दिउँसो २ बजे विशेष समारोहबाट सार्वजनिक गरिने जनाइएको छ ।

समारोहलाई प्रधानमन्त्री केपी शर्मा ओली र नेपाल कम्युनिस्ट पार्टीकातर्फबाट महासचिव ‘विप्लव’ले सम्बोधन गर्ने छन् । सहमतिपत्रमा सरकारी वार्ता टोलीका संयोजक गृहमन्त्री रामबहादुर थापा र नेकपाका तर्फबाट प्रवक्ता खड्गबहादुर विश्वकर्माले हस्ताक्षर गरेका छन् । सरकारले चन्द नेतृत्वको नेकपामाथि ०७५ फागुन २८ मा प्रतिबन्ध लगाउने निर्णय गरेको थियो ।
यस्तो छ सहमति पत्र :

क्याटेगोरी : Breaking News, Nepal, News



प्रतिक्रिया दिनुहोस

-Advertisement-