सिड्नीको नेपाली मार्टमा छुरा प्रहार : एक जनाको मृत्यु, २ जना घाइते

काठमाडौं । सिड्नीको पश्चिमी क्षेत्र मेरील्याण्ड्सस्थित नेपाली मिनी मार्ट क्षेत्रमा छुरा प्रहारबाट एक जनाको ज्यान गएको छ ।

नेपाली मिनीमार्टमा २ जनालाई छुरा प्रहार गरेर बाहिर फुटपाथमा निस्किएका व्यक्तिले प्रहार गरेको छुराबाट एक जनाको घटनास्थलमै ज्यान गएको एनएसडब्लु प्रहरीले जानकारी दिएको हो ।
मार्टमै छुरा प्रहार गरिएपछि गम्भिर घाईते बनेका दुई जनाको उपचार भइरहेको बताइएको छ । मृतकको औपचारिक पहिचान भने प्रहरीले खुलाएको छैन ।

स्मिथ स्ट्रिटबाट एक जना संकास्पद व्यक्तिलाई पक्राउ गरेर प्रहरीले ग्रानभिल प्रहरी चौकी लगेको छ । घटना बारे थप जानकारी भए प्रहरीलाई सहयोग गर्न समेत आह्वान गरिएको छ ।