पोखराबाट काठमाडौँ आउँदै गरेको बस दुर्घटना, १७ जनाको मृत्यु,२४ घाइते

काठमाडौं । पोखराबाट काठमाडौँ आउँदै गरेको यात्रुवाहक बस धादिङमा दुर्घटना हुँदा १७ जनाको ज्यान गएको छ ।

ग१ख १४२१ नम्बरको बस दुर्घटनामा परेर घाइते भएका २४ जनालाई उद्दार गरेर उपचारका लागि विभिन्न अस्पताल लगिएको छ । प्रहरीका अनुसार बस बिहान करिब १ः३० बजे धादिङको बेनिघाट रोराङ गाउँपालिका–५ भैँसीगौडास्थित पृथ्वी लोकमार्गबाट त्रिशूली नदीमा खसेको हो ।

दुर्घटना लगत्तै शसस्त्र प्रहरीको गोताखोरसहितको टोलीले घटनास्थलमा पुगेर उद्दार गरेको थियो । दुर्घटनाको कारण भने खुल्न बाँकी छ ।