न्यु योर्क शहरस्थित एक विद्यालयमा अन्धाधुन्ध गोली प्रहार, एक किशोरीको मृत्यु

एजेन्सी,काठमाडौं । अमेरिकाको न्यु योर्क शहरस्थित एक विद्यालयमा भएको गोलीकाण्डमा परेर एक किशोरीको मृत्यु भएको छ । न्यु योर्क शहरको ब्रन्क्स जिल्लामा रहेको साउथ ब्रन्क्स विद्यालयमा बन्दुकधारीले जथाभावी गोली प्रहार गर्दा १६ वर्षीया किशोरीको ज्यान गएको अमेरिकी सञ्चारमाध्यमले जनाएका हुन् ।

घटनामा परेर अन्य दुई जना घाइते भएका छन् । सुरक्षा अधिकारीलाई उद्धृत गर्दै एबीसी ७ न्युयोर्कले घटना स्थानीय समय अनुसार सबेरै दुई बज्नुभन्दा अघि भएको जानकारि गराएको छ । प्रहरीले बन्दुकधारीको खोजी गरिरहेको जानकारी दिएको छ । अमेरिकामा बारम्बार यस्ता गोलीकाण्डका घटना हुँदै आएका छन् ।

अमेरिकी संविधानको दोश्रो संशोधनमै बन्दुक राख्न र बोक्न पाउने अधिकार दिइएकाले बन्दुकले अमेरिकामा एक किसिमको संस्कृति पहिचान नै स्थापना गरेको छ । आलोचकहरूले भने बन्दुक संस्कृतिका कारण गोलीकाण्डका घटनाहरू धेरै बढेको भन्दै यस्तो व्यवस्था हटाउन माग गर्दै आएका छन् ।

करिब १ साथा अघि मात्रै पनि अमेरिकाको क्यालिफोर्निया राज्यस्थित साक्रामेन्टोमा गीली चल्दा ६ जनाको मृत्यु भएको थियो । उक्त घटनामा परेर अन्य १० जनाभन्दा बढी घाइते भएका थिए ।