नागरिकता कीर्ते प्रकरणमा पक्राउ कान्तिपुर मिडिया ग्रुपका अध्यक्ष सिरोहिया हाजिरी जमानीमा रिहा,अनुसन्धान जारी !
![](https://nepaltube.com.au/wp-content/uploads/2024/05/kailash.jpg)
काठमाडौं । नागरिकता कीर्ते प्रकरणमा पक्राउ गरेको ९ दिनपछि कान्तिपुर मिडिया ग्रुपका अध्यक्ष कैलाश सिरोहिया हाजिरी जमानीमा रिहा हुनुभएको छ । स्वास्थ्य अवस्थाका कारण परिवारको हाजिरी जमानीमा सञ्चार उद्धमी सिरोहियालाई रिहा गरिएको हो ।
जिल्ला सरकारी वकिलको कार्यालय, धनुषाको स्वीकृति र जिल्ला प्रहरी कार्यालय धनुषाले पठाएको पत्रका आधारमा ललितपुर प्रहरीले सिरोहियालाई छोरा सम्भव सिरोहियाको जिम्मा लगाएर बुधबार साँझ हाजिरी जमानीमा छाडेको छ । तेस्रो पटक म्याद थपपछि सिरोहियालाई उपचारका लागि भन्दै मंगलबार हेलिकोप्टरबाट ललितपुरस्थित मेडिसिटी अस्पतालमा ल्याइएको थियो ।
स्वास्थ्य अवस्थालाई कारण देखाउदै पक्राउको ९ दिनमध्ये अधिकांश समय सिरोहिया अस्पताल बस्नुभयो । प्रहरी हिरासत छल्न खोजेको आरोप लागेपनि अन्ततः यहि कारण सिरोहिया हाजिरी जमानीमा छुट्नुभएको छ । सिरोहियाको नागरिकता प्रकरणमा जिल्ला प्रहरी कार्यालय धनुषाको अनुसन्धान गरिरहेको छ ।
तपाईको प्रतिक्रिया