काठमाडौँ । नेकपा एमालेको नेतृत्व चयनका लागि ९ बजेबाट मतदान भइरहेको छ । अध्यक्षका उम्मेदवारद्वय केपी शर्मा ओली र ईश्वर पोखरेलले विद्युतीय मतदान गरेर परिक्षण भएपछि प्रतिनिधिहरुको मतदान सुरु गरिएको हो ।
मतदानका लागि ८० वटा विद्युतीय भोटिङ मेसिन राखिएको छ । एकजनालाई भोट हाल्न ३५ देखि ४० मिनेटसम्म लाग्ने बताइएको छ । निर्वाचन आयोगले एक पटकमा ५० जनालाई मतदानको व्यवस्था गरेको छ । महिला र पुरुषको एउटै लाइन छ । महाधिवेशनमा दुई हजार २ सय ६३ मतदाता सहभागी छन् ।
केपी शर्मा ओली र ईश्वर पोखरेल छुट्टाछुट्टै प्यानल बनाएर चुनावी मैदानमा हुनुहुन्छ । ५ जना उपाध्यक्ष पदका लागि ११ जना, महासचिवका लागि शंकर पोखरेल र सुरेन्द्र पाण्डे मैदानमा हुनुहुन्छ । ३ उपमहासचिव पदका लागि ७ जना र ९ सचिव पदका लागि २० जनाको उम्मेदवारी परेको छ । एमालेमा ३ सय १ केन्द्रीय सदस्यीय लागि ६ सय ६० जनाले उम्मेदवारी दर्ता गरेका छन् । केही सदस्य भने निर्विरोध भइसकेका छन् ।
आज साझै निर्वाचन परिणाम घोषणा गर्नेगरि निर्वाचन आयोगले तयारी गरिरहेको छ । ९ देखि १० घण्टामा पतदान सकिने अपेक्षा गरिएको छ ।
लाइभ न्युज
तपाईको प्रतिक्रिया