निर्वाचन वैशाख २१ मा सार्न पूर्वप्रमुख निर्वाचन आयुक्तको सुझाव 

काठमाडौं । पूर्वप्रमुख निर्वाचन आयुक्त निलकण्ठ उप्रेतीले सबैले मतदानको अवसर पाउनेगरि निर्वाचनलाई वैशाख २१ मा सार्न उपयुक्त हुने सुझाव दिनुभएको छ ।

देश तथा विदेशमा रहेका सबै मतदाताहरूलाई मतदानको अवसर दिन निर्वाचन २ महिना पछि सार्न उपयुक्त हुने उहाँले  बताउनुभएको हो । पूर्वप्रमुख निर्वाचन आयुक्त उप्रेतीले लोकतन्त्रमा सबैले निर्वाचनमा मत हाल्न पाउने अधिकार भएकाले यसको व्यवस्था गर्न सुझाव दिनुभएको छ ।

अधिकतम मत खस्नेगरि सबैलाई मताधिकार दिएमात्रै निर्वाचनको विश्वास बढ्ने बताइन्छ । निर्वाचन तोकिएको मितिबाट केही समय पछि सारेर मताधिकार सुरक्षित गर्न धेरैले सुझाव दिइरहेका छन् ।