शान्ति सुरक्षा बिथोल्न खोज्नेलाई कडाभन्दा कडा कारबाही : गृहमन्त्री अर्याल

काठमाडौं । निर्वाचन आयोगका पदाधिकारी र गृहमन्त्री ओमप्रकाश अर्यालबीच फागुन २१ गते हुने निर्वाचनको तयारीबारे छलफल भएको छ ।

भेटवार्तामा गृहमन्त्रीले अर्यालले निर्वाचन सुरक्षा र शान्ति सुरक्षाका लागि सरकार प्रतिबद्ध रहेको बताउनुभएको छ ।आयोगले निर्वाचनलाई स्वच्छ, स्वतन्त्र र भयमुक्त बनाउन सरकारसँग आग्रह गर्दै आएको छ ।

आयोगका प्रवक्ता नारायणप्रसाद भट्टराईले छलफलमा गृहमन्त्री अर्यालले सरकारले निर्वाचन सुरक्षा मजबुत बनाई भयमुक्त वातावरण निर्माण गर्ने कार्यलाई उच्च प्राथमिकता दिएर काम गरिरहेको जानकारी दिएकाे बताउनुभयो । शान्ति सुरक्षा बिथोल्न खोज्ने जोकोहीलाई कडाभन्दा कडा कानुनी कारबाही गर्ने प्रतिबद्धता गृहमन्त्री अर्यालको रहेको छ ।