अष्ट्रेलियाका विश्वविद्यालय संकटमा, विदेशी विद्यार्थी ल्याउने वातावरणको खोजी

ब्रिजबेन, एजेन्सी । अष्ट्रेलियाका विश्वविद्यालयहरुले विदेशी विद्यार्थीहरुलाई अष्ट्रेलिया आउने वातावरण बनाउन सरकारलाई आग्रह गरेका छन् । महामारी शुरु भएपछि कतिपय देशका विद्यार्थीहरुलाई आफ्नो घर जान दिएको सरकारले लामो समयदेखि हवाई उड्डयन बन्द गरिएका कारण विदेशी विद्यार्थीहरु अष्ट्रेलिया फर्किन पाएका छैनन् ।

अष्ट्रेलियाका विश्वविद्यालयहरुको पछिल्लो तथ्याँकअनुसार यहाँ पहिलेका वर्षहरूको तुलनामा विश्वविद्यालय भर्नामा हुनेहरुको संख्यामा ३३ प्रतिशतले कमी आएको छ । विद्यार्थी घटेसँगै विश्वविद्यालयहरुको बजेटमा पनि धेरै कमी आएको देखिएको छ । यसैले अष्ट्रेलियाका विश्वविद्यालहरुले आफ्ना देशबाट बिदामा गएका विदेशी विद्यार्थीहरुलाई स्वदेश फर्किन दिन र नयाँ विद्यार्थीलाई पनि अष्ट्रेलिया आउन दिने व्यवस्थाका गर्न माग गरेको बताइएको छ ।

कोरोना भाइरसको महामारीका कारण अष्ट्रेलियाका विश्वविद्यालयहरुमा भर्ना हुने विद्यार्थीको संख्या घट्दै गएको छ । महामारीका कारण छुट्टीमा गएका विदेशी विद्यार्थीहरु अष्ट्रेलिया फर्किन पाएका छैनन् भने भिषा लागेका विदेशी विद्यार्थीहरु समेत कहिले अष्ट्रेलियाको उडान खुल्ने होला भन्ने प्रतिक्षामा छन् ।