डिसेम्बर १५ देखि विदेशी विद्यार्थी अष्ट्रेलिया आउन पाउने । यी राज्यले गर्दैछ स्वागत

सिड्नी/आउने साता अर्थात डिसेम्बर १५ तारिखदेखि कोरोनाको पुरा खोप लगाएका विदेशी विद्यार्थीहरुले अष्ट्रेलिया प्रवेश पाउने भएका छन् । त्यस्ता भिषा लिइसकेका तथा पुरा खोप लगाएका त्यस्ता विदेशी विद्यार्थीहरुले बिना कुनै पुर्व अनुमति प्रमाणपत्र (एक्जेम्सन) नलिईकनै अष्ट्रेलिया आउन पाउने भएका हुन् । गृह मामिला मन्त्रालयको वेवसाइटमा उपलब्ध जानकारी अनुसार विदेशी विद्यार्थी  लगायत विभिन्न २८ वटा भिषामा भएकाहरुलाई बिना पुर्व अनुमति अष्ट्रेलिया आउन र जान दिइने उल्लेख छ ।

अष्ट्रेलियन सरकारले यसअघि डिसेम्बर १ बाटै यी भिषाधारी पुरा खोप लगाएकाहरुलाई आउन दिने घोषणा गरेको थियो । तर, कोरोनाको नयाँ भेरियन्ट देखिएपछि १५ दिनका लागि यो योजनालाई स्थगित गरेको छ । तर, नयाँ भेरियन्ट त्यत्ति जोखिम नभएको तथा अष्ट्रेलियामा पुरा खोप लगाउनेको संख्या झण्डै ९० प्रतिशत पुग्न लागेकाले सरकारले विद्यार्थी ल्याउने योजनालाई पुन सुचारु गर्न लागेको हो । सरकारको यस्तो निर्णयले बाहिरी देशमा अड्किएका १ लाख ३० हजारभन्दा बढी अन्तरराष्ट्रिय विद्यार्थीलाई शुभ समाचार दिएको छ । विश्वविद्यालयहरुले सरकारको यो निर्णयको स्वागत गरेका छन् । दुबै खोप लगाएकाहरुले विमानमा चढ्नु अघि कोरोना नेगेटिभ भएको प्रमाणपत्र बोक्नुपर्नेछ । आगन्तुक भिषावहाकले राज्य अनुसार क्वारेन्टिनको व्यवस्था समेत गर्नुपर्नेछ । राज्य अनुसार क्वारेन्टिनको व्यवस्था फरक फरक छ ।

कुन कुन राज्यमा आउन पाइन्छ

तत्कालका लागि विद्यार्थीहरु न्यु साउथ वेल्स र भिक्टोरियाले विदेशी विद्यार्थीलाई डिसेम्बर १५ पछि स्वागत गर्ने वेवसाइटमा उल्लेख छ । कुइन्सल्याण्ड र साउथ अष्ट्रेलियाले भने केही हप्तापछि मात्रै विद्यार्थीलाई आउन दिने जनाएको छ ।

विद्यार्थी लगायत यी भिषाधारीहरु पनि आउन पाउने

Source- Department of home affairs

अष्ट्रेलियाको सिमा खुल्दै, डिसेम्बरबाट विद्यार्थी र दक्ष कामदार आउन पाउने « Nepal Tube Australia