काठमाडौं । आइसीसी टि–२० विश्वकप क्रिकेट अन्तरगत पहिलो खेलमा नेपाल पराजित भएको छ ।
इङ्ल्यान्डले दिएको १८५ रनको लक्ष्य पछ्याएको नेपाल २० ओभरमा ६ विकेट गुमाउँदै १८० रनमा रोकिएको हो । ठूलो स्कोर पछ्याएको नेपालले साहसिक रुपमा ब्याटिङ गर्दै नेपाली दर्शकको मन जितेको छ । नेपालका लागि दिपेन्द्र सिंह ऐरीले ४४, रोहित पौडेलले ३९, कुशल भुर्तेलले २९ रन जोड्दा लोकेश बम ३९ रनमा अविजित रहनुभयो । बलिङतर्फ इङ्ल्यान्डका लियाम डासनले दुई तथा विल ज्याक्स, साम करन, जोफ्रा आर्चर र लुक वुडले एक–एक विकेट लिनुभयो ।
मुम्बईस्थित वानखेडे मैदानमा भएको खेलमा टस जितेर ब्याटिङ गरेको इंग्ल्यान्डले २० ओभरमा ७ विकेटको क्षतिमा १८४ रन जोड्यो । कप्तान ह्यारी ब्रुक र जेकोब बेथेलले अर्धशतकीय पारी खेल्दा विल ज्याक्सले अविजित ३९ रनको योगदान दिनुभयो । बलिङतर्फ नेपालका दीपेन्द्र सिंह ऐरी र नन्दन यादवले दुई–दुई विकेट लिदा शेर मल्ल र सन्दीप लामिछानेले एक–एक विकेट लिनुभयो ।
विश्वकप खेलिरहेको नेपाल समूह ‘सी’ मा रहेको छ । नेपालको समूहमा इङ्ल्यान्डसँगै वेस्ट इण्डिज, इटाली र स्कटल्यान्ड छन् ।
लाइभ न्युज
तपाईको प्रतिक्रिया