अभिनेता हरिवंश आचार्य र श्रीमती रमिलामा कोरोना संक्रमण

काठमाडौं । अभिनेता हरिवंश आचार्य र उनकी पत्नी रमिलामा कोरोना संक्रमण पुष्टि भएको छ । अभिनेता आचार्यले मंगलबार फेसबुकमार्फत आफूहरुलाई कोरोना संक्रमण पुष्टि भएको जानकारी दिनुभएको हो ।

उनीहरुको स्वास्थ्य अवस्था सामान्य रहेको बताइएको छ । हरिवंशले सामाजिक सञ्जाल फेसबुकमा लेख्नुभएको छ, ‘यहाँहरुको माया, आशिर्वाद र शुभेच्छाको कारण हामीले छिट्टै कोरोना संक्रमणलाई जित्नेछौं । कोरोना संक्रमण ब्यापक रुपमा फैलिएको हुँदा यहाँहरु सबैले जनस्वास्थ्यका मापदण्ड अनिवार्य रुपमा अवलम्बन गर्नुहुन अनुरोध छ ।’

आफूहरुको सम्पर्कमा रहेकाहरुलाई होम आइसोलेसनमा बस्न र समयमा परीक्षण गराउन आचार्यले सार्वजनिक रुपमा आग्रह गर्नुभएको छ । हरिवंश आचार्य र मदनकृष्ण श्रेष्ठ महजोडीका रुपमा चर्चित र उदाहरणिय पात्र हुन् ।