‘प्रतिस्पर्धा दोहोरीको, संरक्षण संस्कृतिको’ नारासहित ‘दोहोरी च्याम्पियन’ सुरु

काठमाडौं । लोकदोहोरी प्रतिभाको प्रस्फुटनका लागि ‘दोहोरी च्याम्पियन’ हुने भएको छ । ‘प्रतिस्पर्धा दोहोरीको, संरक्षण संस्कृतिको’ नारासहित सुरु हुन लागेको ‘दोहोरी च्याम्पियन’को डिजिटल अडिसन शनिबारबाट सुरु भएको छ ।

फेब्रुअरी १३ अर्थात फागुन १ बाट सुरु डिजिटल अडिसन फागुन ८ अर्थात २१ फेब्रुअरीको दिन समापन हुनेछ । सहभागिताका लागि एक जना पुरुष र एक जना महिलाको समूह बनाएर कम्तिमा ४–४ टुक्का दोहोरी गाएर फेसबुक अथवा इमेलमा पठाउनु पर्नेछ । नेपाल टेलिभिजनबाट प्रशारण हुने ‘दोहोरी च्याम्पियन’का विजेताले २० लाख, दोस्रो, तेस्रो र चौथो हुनेले क्रमशः १० लाख, ३ लाख र २ लाख प्रदान गरिनेछ ।

प्रतियोगिताको निर्णायकका रुपमा बद्री पंगेनी र प्रिती आले रहेका छन् । प्रतियोगिताको प्रस्तुती नेपाल टेलिभिजनबाट प्रशारण हुने जनाइएको छ ।