न्यु साउथ वेल्समा ३ महिनामै बुष्टर खोप लगाउन पाइने

सिड्नी/ कोराना संक्रमण दर बढिरहेका बेला अष्ट्रेलियाको न्यु साउथ वेल्स राज्यका बासिन्दाले जनवरी अन्त्यबाट तीन महिनामै बुष्टर खोप लगाउन पाउने भएको छ । आज राज्यका प्रिमियर डोमेनिक पेरोटेटले दोस्रो खोप लगाएको तीन महिना पछि नै बुष्टर लगाउन पाउने घोषणा गर्नुभएको हो ।

जनवरी ३१ तरिखसम्म संघिय सरकारले नै यसअघि ४ महिना पछि मात्रै बुष्टर लगाउन पाउने नियम पालना गर्ने र त्यसपछि तीन महिने नियम लागु गरिने पेरोटेटले जानकारी दिनुभयो । न्यु साउथ वेल्समा पछिल्लो २४ घण्टामा ३२ हजार २९७ कोरोना संक्रमण देखिएको छ भने ३२ जनाले ज्यान गुमाएका छन् । अष्ट्रेलियामा हालसम्म १७ लाख ७३ हजार भन्दा बढीले बुष्टर खोप लगाइसकेका छन् ।