राष्ट्रिय एकतालाई सुदृढ बनाउन सबै नेपालीमाझ राष्ट्रपति पौडेलको आग्रह !
काठमाडौं । राष्ट्रपति रामचन्द्र पौडेलले सहिष्णुता र सद्भाव कायम गर्दै राष्ट्रिय एकतालाई सुदृढ बनाउन सबै नेपालीले भुमिका खेल्नुपर्ने बताउनु भएको छ । २६२३औँ महावीर जयन्तीको अवसरमा शुभकामना सन्देश जारी गर्दै राष्ट्रपति पौडेलले महावीरले अहिंसा र संयमको उत्कृष्ट साधना गर्नुका साथै जनकल्याणका लागि गर्नुभएको मार्गदर्शनको परिपालन गर्न सबैलाई आग्रह गर्नुभएको हो ।
“सबै नेपालीबीच आपसी विश्वास, प्रेम र एकताको भावनालाई प्रगाढ बनाउँदै सभ्य र सुसंस्कृत समाज निर्माणका लागि अग्रसर हुन महावीर जयन्तीबाट सबैलाई प्रेरणा मिल्ने विश्वास छ”, राष्ट्रपति पौडेलद्वारा जारी शुभकामनामा उल्लेख छ । सम्पूर्ण नेपाली जैन धर्मावलम्बीहरूमा सुख, शान्ति र समृद्धिको कामना समेत राष्ट्रपति पौडेलले गर्नुभएको छ ।
नेपालमा वैदिक, बौद्ध, जैन, शिखलगायतका समुदायबाट प्रत्येक वर्ष उत्साहपूर्वक महावीर जयन्ती मनाउने गर्दछन । हरेक वर्षको चैत्र शुक्ल त्रयोदशीका दिन नेपाललगायत विश्वभर छरिएर रहेका जैन धर्मावलम्बीले विभिन्न कार्यक्रमहरू आयोजना गरी महावीर जन्मजयन्ती मनाउछन् ।
लाइभ न्युज
तपाईको प्रतिक्रिया