टी–२० विश्वकप : आयोजक अमेरिकाको विजयी शुरुवात, नेपालले मंगलबार नेदरल्याण्डसँग खेल्दै
![](https://nepaltube.com.au/wp-content/uploads/2022/12/News-nepal-Tube-pp.jpg)
काठमाडौं । आजबाट सुरु आईसीसी टी–२० विश्वकपमा घरेलु टोली अमेरिकाले सानदार विजयी सुरुवात गरेको छ । आरोन जोन्सको विष्फोटक ब्याटिङमा घरेलु टोली अमेरिकाले टी–२० विश्वकप २०२४ को उद्घाटन खेलमा क्यानडामाथि ७ विकेटको सानदार जित हात पारेको हो । डेब्यू विश्वकप खेलमा अमेरिकाले सानदार जितका साथ समूह ए मा विजयी सुरुवात गरेको छ ।
१ सय ९५ रनको बलियो लक्ष्य पछ्याएको अमेरिकाले १७ दशमलव ४ ओभरमा ३ विकेट गुमाउँदै पूरा ग¥यो । अमेरिकाको जितमा आरोन जोन्स ९४ रनमा नट आउट रहे । एन्ड्रिस गौस ६५ रनमा आउट भए । क्यानडाका कलिम साना, निखिल दत्त र डिलोन हेलिगरले एक÷एक विकेट लिए । त्यसअघि ग्राण्ड प्रेरी क्रिकेट रंगशाला डालसमा टस हारेर पहिला ब्याटिङको निम्तो पाएको क्यानडाले २० ओभरमा ५ विकेट गुमाउँदै १ सय ९४ रन बनाएको थियो । क्यानडाका ओपनर नवनीत धालिवालले सर्वाधिक ६१ रन बनाए । अमेरिकाका कोरी एण्डरसन, अली खान र हरम्रीत सिंहले एक/एक विकेट लिए ।
वेस्ट इन्डिज र अमेरिकाले संयुक्त रुपमा आयोजना गर्ने प्रतियोगिता एक महिनासम्म चल्नेछ । वेस्ट इन्डिजले दोस्रोपटक विश्वकप आयोजना गर्दा अमेरिकाले पहिलो मौका पाएको छ । प्रतियोगिताको इंग्ल्याण्ड साविक विजेता टोलीको हो । इंग्ल्याण्डले सन् २०२२ मा अष्ट्रेलियामा भएको विश्वकपको फाइनल खेलमा पाकिस्तानलाई ५ विकेटले हराउँदै उपाधि जितेको थियो । प्रतियोगितामा पहिलोपटक २० टोलीले प्रतिस्पर्धा गरेका छन् ।
टी–२० विश्वकपमा नेपाल समूह डी मा रहेको छ । नेपाल रहेको समूहमा दक्षिण अफ्रिका, श्रीलंका, बंगलादेश र नेदरल्याण्ड्स छन् । नेपालले जुन ४ मंगलबार नेटरल्याण्ड्ससंग खेल्दै विश्वकप सुरुवात गर्नेछ । अमेरिकाले भिसा नदिएका कारण नेपाली टिमका महत्वपुर्ण खेलाडी सन्दिप लामिछाने छुटेका छन् । सन्दिप बिनाको खेलमा समेत नेपाली टिम उत्कृष्ट प्रदर्शनको तयारीमा रहेको छ ।
तपाईको प्रतिक्रिया