टी–२० विश्वकप क्रिकेटको सेमिफाइनल समिकरण पुरा, अष्ट्रेलिया सुपर ८ बाटै बाहिरियो
![](https://nepaltube.com.au/wp-content/uploads/2024/06/T-20-World-cup-crickett.jpg)
काठमाडौं । आईसीसी टी–२० विश्वकप क्रिकेट– २०२४ को सेमिफाइनल समिकरण पुरा भएको छ । गएराति सम्पन्न सुपर–८ को खेलमा अष्ट्रेलियालाई २४ रनले हराउँदै भारत र विहानपख भएको खेलमा डिएलएस मेथडका आधारमा बंगलादेश अफगानिस्तानसँग ८ रनले पराजित भएसँगै सेमिफाइनलमा समिकरण पुरा भएको हो ।
गु्रप–१ बाट भारत ३ खेलमा ६ अंकका साथ शीर्ष स्थानमा रहँदै सेमिफाइनलमा पुगेको छ । भारतले सेमिफाइनलमा गु्रप–२ को उपविजेता इंग्ल्यान्डसँग खेल्नेछ । सुपर– ८ को अन्तिम खेलमा बंगलादेशलाई हराउँदै अफगानिस्तानले ८ रनको जित आत पारेपछि अष्ट्रेलिया सुपर ८ बाटै घर फर्किएको छ । अब सेमिफाइनलमा अफगानिस्तानले ग्रुप–२ को विजेत दक्षिण अफ्रिकासँग खेल्नेछ ।
सेमिफाइनलका खेल २७ जुन बिहिबार हुनेगरि तालिका तयार पारिएको छ । उपाधि भिडन्तका लागि फाइनल खेल २९ जुनमा हुनेगरि खेल तालिका सार्वजनिक गरिएको छ । सेमिफाइनल र फाइनलको दिन यदि वर्षा भएको खण्डमा अर्कोदिन खेल हुने गरि आईसीसीले रिजरर्भ डे राखेको छ ।
तपाईको प्रतिक्रिया