काठमाडौं । कोशी प्रदेशबाट फेरि मौसम बदली शुरू भएको छ । जल तथा मौसम विज्ञान विभाग मौसम पूर्वानुमान महाशाखाले कोशीमा बादलले ढाकिसकेको र त्यसको असर कोशीसहित मधेश, बाग्मती र गण्डकी प्रदेशसम्म देखिने जानकारि गराएको हो ।
कोशीदेखि गण्डकी प्रदेशसम्मका केही ठाउँमा बिहीबारसम्म बादल लाग्ने र हल्कादेखि मध्यम वर्षा हुने सम्भावना रहेको मौसमविद् प्रतिभा मानन्धरले जानकारि दिनुभयो । विशेषगरी कोशी प्रदेशका धेरै ठाउँमा हल्का र मध्यम वर्षा हुने पुर्वानुमान गरिएको छ । मधेश, बाग्मती र गण्डकी प्रदेशका केही ठाउँमा पनि पानी आँकलन गरिएको छ । ठूलो अनि लगातारको वर्षा भने नहुने मौसमविद्ले अनुमान गरेका छन् । यसअघिको वर्षाले देशका सबै भू–भाग गलेको हुँदा थोरै पानी पर्दा पनि बाढी पहिरोको सम्भावना रहेको तर्फ सबैलाई सचेत गराइएको छ ।
यता, सुदूरपश्चिम, कर्णाली र लुम्बिनीमा पानी पर्ने सम्भावना कम रहेको छ । अहिले देशभर मनसुनी वायुको प्रभाव कायमै रहेकाले मौसमी प्रणालीमा पुरै सुधार हुन केही समय लाग्नेछ । भारतको मध्य प्रदेश र आसपास क्षेत्रमा रहेको न्यून चापीय प्रणालीको आंशिक प्रभाव नेपालमा रहेको मौसम पूर्वानुमान महाशाखाले जनाएको छ ।
लाइभ न्युज
तपाईको प्रतिक्रिया