नेपाल साफ च्याम्पियनसिपको फाइनलमा, भारत पेनाल्टी सुटआउटमा पराजित ! 

काठमाडौं । भारतलाई पेनाल्टी सुटआउटमा हराउँदै नेपाल साफ वुमन्स च्याम्पियनसिपको फाइनलमा पुगेको छ । काठमाडौंस्थित दशरथ रंगशालामा भएको खेल निर्धारित समयमा १-१ को बराबरीमा सकिएपछि नेपालले भारतलाई पेनाल्टीसुटआउटमा ४-२ ले पराजित गर्दै फाइनलमा स्थान बनाएको हो ।

पाँच पटकको साफ विजेता भारतका दुई खेलाडीको पेनाल्टी प्रहार रोकिएको थियो । नेपालबाट प्रहार गरेका ४ खेलाडीले गोल गर्दै जित सुनिश्चित गरे । भारतले खेलको ७१औं मिनेटमा गोल गर्दै अग्रता लिएको थियो । लगत्तै नेपालकी प्रीति राईले गरेको गोललाई सुरुमा रेफ्रिले मान्यता दिएपनि भारतले प्रोटेष्ट गरेपछि उक्त गोलले मान्यता पाएको थिएन । त्यसपछि रोकिएको खेल १ घन्टापछि सुरु भएको थियो । खेल सुरु भएको एक मिनेटमै नेपालीकी सावित्रा भण्डारीले बराबरी गोल फर्काउनुभयो ।

पहिलो सेमिफाईफाईनलमा साविक विजेता बंगलादेशले भुटानलाई ७-१ ले हराएर फाईनफमा स्थान बनाएको छ ।नेपालले अब उपाधिका लागि बंगलादेशसंग खेल्नेछ ।