दुबई एयरपोर्टमा अलपत्र २७२ नेपालीलाई स्वदेश ल्याइयो
आज पनि उद्धार उडान
काठमाडौं । सरकारको समन्वयमा नेपाल वायुसेवा निगमले पश्चिम एसियाका विभिन्न देशमा अलपत्र नेपालीलाई उद्धार उडानमार्फत स्वदेश ल्याउन थालेको छ ।
नेपाल वायुसेवा निगमको बिहीबारको विशेष उद्धार उडानमार्फत दुबई विमानस्थलमा अलपत्र परेका २७२ जना नेपालीलाई स्वदेश ल्याइएको हो । उक्त विमानमार्फत काठमाडौं विमानस्थलमा रोकिएका २६० जना यात्रुलाई दुबई विमानस्थलसम्म पुर्याइएको थियो ।
आजको उडानमा समेत नेपालबाट २६७ जना यात्रु दुबई लगिने र दुबईबाट १६४ जना नेपालीलाई स्वदेश ल्याइने बताइएको छ । अमेरिका – इरान द्वन्द्वका कारण यही फागुन १६ गतेदेखि पश्चिम एसियाको आकाशमा उडान प्रभावित हुँदैआएको छ ।
















तपाईको प्रतिक्रिया