NepalTube — जोड्दैछौ अष्ट्रेलियाका नेपाली
News

हिमताल विस्फोटको जोखिम घटाउन नेपाललाई ३ करोड ६१ लाख डलर अनुदान

Nepaltube Australia

ग्रिन क्लाइमेट फण्ड (जीसीएफ) ले नेपालमा हिमताल विस्फोटबाट हुने बाढीको जोखिम न्यूनीकरण गर्न ३ करोड ६१ लाख अमेरिकी डलर अनुदान स्वीकृत गरेको छ।

नेपाल सरकार र साझेदार संस्थाको थप १ करोड ४० लाख डलर सह-वित्तीयकरणसहित सात वर्षे परियोजनाको कुल लागत ५ करोड अमेरिकी डलर पुग्नेछ।

जल तथा मौसम विज्ञान विभाग र संयुक्त राष्ट्रसंघीय विकास कार्यक्रम (यूएनडीपी) को सहकार्यमा सञ्चालन हुने परियोजनाबाट करिब २३ लाख मानिस लाभान्वित हुने अपेक्षा गरिएको छ।

परियोजनाअन्तर्गत कोशी र गण्डकी नदी बेसिनका जोखिमयुक्त ठुलागी, तल्लो बरुण, लुमडिङ छो र हङ्गु–२ हिमतालको जलसतह घटाइनेछ।

त्यस्तै, १५० हेक्टरभन्दा बढी क्षेत्रमा वृक्षरोपण, तटबन्ध तथा चेकड्याम निर्माण र बाढीको पूर्वसूचना प्रणाली सुदृढीकरण गरिनेछ।

यसअघि नेपालमा छो रोल्पा र इम्जा हिमतालको जलसतह घटाइएको थियो। नयाँ परियोजनाले हिमताल विस्फोटबाट हुन सक्ने जनधनको क्षति न्यूनीकरणमा सहयोग पुग्ने अपेक्षा गरिएको छ।

शेयर:

प्रतिक्रिया दिनुहोस

टिप्पणीहरू लोड हुँदैछ…

सम्बन्धित समाचार