सन् २०२७ को डीभी चिट्टा खोल्ने आदेशमा अमेरिकी पुनरावेदन अदालतको रोक

अमेरिकाको नाइन्थ सर्किट कोर्टले सन् २०२७ को डाइभर्सिटी भिसा (डीभी) कार्यक्रमको आवेदन खोल्न जिल्ला अदालतले दिएको आदेश स्थगित गर्न आदेश दिएको छ।

तीन न्यायाधीशको संयुक्त इजलासले जिल्ला अदालतको आदेशमा रोक लगाएसँगै डीभी आवेदन तत्काल खुल्ने विषयमा अनिश्चितता बढेको छ।

यसअघि जिल्ला अदालतले डीभी आवेदन खुलाउन सरकारका नाममा अन्तरिम आदेश दिएको बताइएको थियो। तर अमेरिकी सरकार उक्त आदेशविरुद्ध पुनरावेदन अदालतमा पुगेको थियो।

पुनरावेदन अदालतको निर्णयले डीभी कार्यक्रम पूर्ण रूपमा बन्द भएको अर्थ भने लाग्दैन। यस विषयमा थप कानुनी प्रक्रिया अघि बढ्न सक्ने सम्भावना भने कायमै छ।