Techie IT
Tuesday June 22, 2021  |   मङ्लबार, असार ८, २०७८
गृहपृष्ठ » Breaking News » नेपाली क्रिकेटर सन्दीपले तेश्रो पटक अष्ट्रेलियाको बिग बास लिग खेल्दै

नेपाली क्रिकेटर सन्दीपले तेश्रो पटक अष्ट्रेलियाको बिग बास लिग खेल्दै


335 Views

काठमाडौं । नेपाली राष्ट्रिय टिमका लेगस्पीनर सन्दीप लामिछानेले अष्ट्रेलियाको बिग बास लिग (बीबीएल) को दशौँ संस्करण खेल्ने भएका छन् । होबार्ट हुरिकेन्सले बिहीबार बिहान विदेशी खेलाडीको कोटामा सन्दीपलाई अनुबन्धित गरेसँगै तेश्रो पटक बिग बास लिग खेल्ने निश्चित भएको हो ।

यसअघि पनि सन्दीपले मेलवर्न स्टार्सबाट लगातार दुई सिजन खेलेका थिए । सन्दीपले यस अघि बीबीएलको दुई सिजन खेल्दा २० खेलमा २६ विकेट लिएका छन् । अष्ट्रेलियामा सधैँ माया र सम्मान पाएको स्मरण गराउँदै सन्दीपले होबार्टबाट खेल्न पाउनु झनै उच्च कोटीको सम्मान भएको बताए । होबर्टका मुख्य प्रशिक्षक एडम ग्रिफ्टले सन्दीपको अगमनले टिमको बलिङ पक्ष थप बलियो भएको बताएका छन् । सन्दीपले रहस्यमय स्पिनको साथ खेल परिवर्तन गर्न सक्ने भन्दै उनले इनिङ्सको कुनै पनि चरणमा बलिङ गर्न सक्ने क्षमता रहेको भन्दै प्रशंसा गरेका छन् ।

बीबीएल आगामी डिसेम्बर १० बाट सुरु हुनेछ । यस अघि बीबीएलमा २ विदेशी खेलाडी मात्र राख्न पाईने नियम रहेकोमा यस सिजनमा हरेक टिमले ३ खेलाडीलाई प्लेईङ सेटमा राख्न पाउने छन् । सन्दीपसँगै टी २० का नम्बर वान ब्याट्सम्यान डेविड मालान र वेष्ट ईन्डिजका अलराउण्डर किमो पउलले पनि होबार्टबाट खेल्नेछन् ।

सन्दीप लामिछाने बिग बासका लागि अनुबन्धित भएको बारे जानकारी गराउँदै नेपालस्थित अष्ट्रेलियन दूतावासले बधाई समेत दिएको छ ।

क्याटेगोरी : Breaking News, Nepal, Sports



प्रतिक्रिया दिनुहोस

-Advertisement-