Techie IT
Tuesday August 3, 2021  |   मङ्लबार, साउन १९, २०७८
गृहपृष्ठ » Breaking News » पूर्व कप्तान पारस खड्का टी–१० लिग टोली अबुधावीमा आवद्ध, भने– ‘नयाँ भूमिकाले उत्साहित छु’

पूर्व कप्तान पारस खड्का टी–१० लिग टोली अबुधावीमा आवद्ध, भने– ‘नयाँ भूमिकाले उत्साहित छु’


407 Views

काठमाडौं । नेपाली राष्ट्रिय क्रिकेट टिमका पूर्व कप्तान पारस खड्का टी–१० लिग टोली अबुधावीसँग जोडिएका छन् । शुक्रबार राति टिम अबुधावीले उनलाई इमर्जिङ ट्यालेन्ट मेन्टरमा नियुक्त गरेको हो ।

अघिल्लो वर्ष टीम अबुधावीबाट टी–१० लिग खेलेका खड्का अब टिम अबुधावीको कोचिङ टिममा रहनेछन् । जसले उदीयमान खेलाडी छनोट लगायतका काम गर्नेछ ।

यस्तो छ क्रिकेटर पारस खड्काको प्रतिक्रिया
नेपाली राष्ट्रिय क्रिकेट टिमका पूर्वकप्तान पारस खड्काले टिम आबूधाबीमा पाएको नयाँ भूमिकाले उत्साहित भएको बताएका छन् । ‘टिम आबूधाबीले मैले पाएको नयाँ भूमिकाले म उत्साहित छु । नेपाली क्रिकेट अन्तर्राष्ट्रिय स्तरमा वृद्धि हुने माध्यम बन्नेमा आशा छ । टिम आबूधाबीमा हाम्रा क्रिकेटरहरुलाई थप अवसर मिल्ने छ’, पारसले सामाजिक सञ्जालमा खुसी ब्यक्त गर्दै भनेका छन् । टी–टेन लिग आगामी जनवरी २८ देखि फेब्रुअरी ६ सम्म चल्ने छ ।

पारसले अव उदयमान युवा प्रतिभा खेलाडीलाई टी–टेनमा खेल्ने अवसरसमेत प्रदान गर्ने जिम्वारी पाएका कारण यसमा नेपाली खेलाडीले मौका पाउने आशा समेत गरिएको छ ।

क्याटेगोरी : Breaking News, Nepal, Sports



प्रतिक्रिया दिनुहोस

-Advertisement-