ब्रिजवेन, पछिल्लो पुस्तामा लोकप्रिय गायक सज्जन राज वैद्य यति बेला आफ्नो सांगितिक यात्राका लागि अष्ट्रेलियामा छन् । हिजो जनवरी १२ मा सिड्नीबाट उनको कन्सर्ट सुरु भइसकेको छ । १८ जनवरीमा भने सज्जनले ब्रिजवेन गुञ्जाउने कार्यक्रम छ ।
द नेप्स ब्रिजवेनले सञ्जनको कन्सर्टको आयोजना गरेको हो । भ्यालीको फोर्टिच्युट म्युजिक हलमा हजारौं दर्शकका माझ कन्सर्ट हुन लागेको आयोजक अरुण तिवारीले जानकारी दिनुभयो । यो हलमा ३ हजार मानिस उभिएर कन्सर्ट हेर्न सक्छन् । पछिल्लो केही वर्षमै आफ्ना फरक धारको स्वर, गित र प्रस्तुतीका कारण सज्जन युवा पुस्तामा भिज्न सफल गायक हुन् । उनको चिठ्ठी भित्र, फुत्की जाने र धर्य जस्ता गित युट्युबमा मिलियनस् पटक हेरिएको छ ।
ब्रिजवेनमा हुने सज्जनको कन्सर्टको मुख्य प्रायोजक कुइन्सफर्ड कलेजले गरेको हो भने मुख्य सहयोगीमा एबिसी ग्लोबल एजुकेशन कन्सलटेन्सी रहेको छ ।
सज्जनले ब्रिजवेनपछि मेलवर्न र पर्थमा समेत कन्सर्ट गर्ने कार्यक्रम तय भएको छ ।
लाइभ न्युज
तपाईको प्रतिक्रिया