प्रधानमन्त्री ओलीले राम्रो काम गरिरहेको कांग्रेस सभापति देउवाको जिकिर

काठमाडौं । कांग्रेस–एमालेको गठबन्धन स्थायित्वका लागि बनेको दाबी गर्दै कांग्रेस सभापति शेरबहादुर देउवाले प्रधानमन्त्रीले सबै काम राम्रो गरेको दाबी गर्नुभएको छ । पार्टीको कोशी प्रदेश सम्मेलनमा सम्बोधन गर्दै कांग्रेस सभापति देउवाले प्रधानमन्त्री केपी शर्मा ओलीको नाम लिँदै राम्रो काम गरिरहेको बताउनुभएको हो ।

कांग्रेस–एमालेको गठबन्धन राजनीतिक निरासा चिरेर स्थायित्वका लागि बनेको दाबी कांग्रेस सभापति कोइरालाले गर्नुभएको छ । प्रधानमन्त्री केपी शर्मा ओलीले चीन भ्रमणमार्फत निकै महत्त्वपूर्ण काम गरेर आएको उहाँले बताउनुभयो । स्थायित्वका लागि एमालेसँग मिलेर सरकार बनाउनु परेको उल्लेख गर्दै देउवाले दुई पार्टी मिल्दा देशमा धेरै सकारात्मक अभियान अघि बढ्ने बताउनुभयो ।

यता, कांग्रेस पार्टीभित्र भने देउवा इतर समूह सरकारका कामकारबाही र सभापति देउवाको कदममा रुष्ट बन्दैआएको छ । कोशी प्रदेश सम्मेलनमा डा. शेखर कोइरालालाई सम्झँदै कांग्रेस महामन्त्री गगन थापाले सबैलाई ठाउँ चाहिने, मान चाहिने बताउनुभएको छ । महामन्त्री थापाले पार्टीमा टेक्निकल कुरा गरेर मात्रै हुँदैन, राजनीतिक कुरा मिलाउनुपर्ने बताउदैगर्दा कोइरालाले शनिबार विराटनगरमा चलिरहेको पार्टीको प्रदेश सम्मेलन बहिष्कार गरेर चितवन पुग्नुभएको थियो ।