प्रतितोला ३ हजार ६०० ले घट्यो सुनको मूल्य

नेपाली बजारमा आज सुनचाँदीको मूल्य केही घटेर कारोबार भइरहेको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला ३ हजार ६०० ले घटेर २ लाख ९४ हजारमा कारोबार भएको हो । चाँदीको मूल्य प्रतितोला १६५ ले घटेर ४ हजार ७८० मा कारोबार भइरहेको छ । बुधबार छापावाल सुन प्रतितोला २ लाख ९७ हजार ६०० र चादी प्रतितोला ४ हजार ९४५ मा कारोबार भएको थियो ।

मङ्गलबार छापावाल सुन प्रतितोला २ लाख ९० हजार २०० चाँदीको प्रतितोला मूल्य ४ हजार ८४५ निर्धारण गरिएको थियो । आज अन्तरराष्ट्रिय बजारमा एक औँस सुन ५ हजार २०० र चाँदी ८५ अमेरिकी डलरमा कारोबार भइरहेको छ ।