Techie IT
Friday July 10, 2020  |   शुक्रबार, असार २६, २०७७
गृहपृष्ठ » Australia » कतार एयरवेजले १ लाख स्वास्थ्यकर्मीलाई निशुल्क उडाउने । अहिले नै लिनुस् टिकट

कतार एयरवेजले १ लाख स्वास्थ्यकर्मीलाई निशुल्क उडाउने । अहिले नै लिनुस् टिकट

दोहास्थित हमाद अन्तराष्ट्रिय विमानस्थलस्थित कतार डिउटी फ्रिमा ३५ प्रतिशत छुट


250 Views

ब्रिजवेन, कोरोना भाईरस नियन्त्रणमा स्वास्थ्यकर्मीले खेलेको भूमिकाको मुल्यांकन गर्दै कतार एयरवेजले निशुल्क हवाई सेवा दिने भएको छ । कोरोना नियन्त्रणका लागि अग्रस्थानमा रहेका १ लाख स्वास्थ्यकर्मी र उनीहरुको एक जना नजिकको व्यक्तिलाई कतार एयरले निशुल्क उडान भर्ने मौका दिन लागेको हो ।

अन्तराष्ट्रिय नर्स दिवसको अवसर पारेर कतार एयरवेजले यस्तो घोषणा गरेको हो । कतार एयरको वेवसाइटमा दिइएको जानकारी अनुसार यो दुखको घडीमा सहयोग गर्ने स्वास्थ्यकर्मीलाई धन्यवाद दिन यस्तो प्याकेज घोषणा गरिएको हो ।
कतार एयरवेजले दुइतर्फी नभई फर्कनका लागि एकतर्फी टिकट दिन लागेको हो । कतारले उडान भर्ने विभिन्न देशबाट अष्ट्रेलिया, युरोप र मध्यपूर्वी देशहरुमा फर्कनका लागि एकतर्फी टिकट निशुल्क उपलब्ध गराउन लागेको हो ।
त्यस्तै निशुल्क टिकट पाउने स्वास्थ्यकर्मीले दोहास्थित हमाद अन्तराष्ट्रिय विमानस्थलस्थित कतार डिउटी फ्रिमा ३५ प्रतिशत छुट समेत पाउनेछन् ।
कतार एयरले जारी गरेको विज्ञप्तीमा भनिएको छ -‘हामीलाई सुरक्षित राख्न स्वास्थ्यकर्मीहरुले गरेको निस्वार्थ सेवा, बहादुरी र लगनशिलताको हामी उच्च प्रशंसा गर्छौ ।’
स्वास्थ्यकर्मीहरु डाक्टर, मेडिकल प्राक्टिसनर, नर्स, प्यारामेडिक, ल्याब टेक्निसियन, क्लिनिकल रिसर्चर र फर्मासिष्टहरुले यो सुविधा पाउनेछन् ।
टिकट कतार एयरको वेवसाइटमा बुक गर्न सकिन्छ । फष्ट कम फष्ट भएकाले अहिले नै टिकट बुक गर्नका लागि यो लिंकमा थिच्नुहोस् ।

क्याटेगोरी : Australia, Breaking News, News



प्रतिक्रिया दिनुहोस

-Advertisement-