बालिकालाई यौन हिंसा गरेको आरोपमा अमेरिकामा एक नेपाली पक्राउ !

काठमाडौं । एक बालिकालाई यौन हिंसा गरेको आरोपमा अमेरिकामा एक नेपाली पक्राउ परेका छन् । गत जुलाई १६ मा अमेरिकी राज्य भर्जिनियाको प्रिन्स विलियम काउन्टीमा बालिकालाई दुई पटक यौन दुर्व्यवहार गरेको उजूरी परेसँगै रविराज बोहरा पक्राउ परेको अमेरिकी मिडिया फक्स फाइभ डिसीले जनाएको हो ।

हिंसामा परेकी बालिकाले परिवारलाई खबर गरेपछि यो घटना प्रहरीसम्म पुगेको थियो । उजूरी लगत्तै बोहरा पक्राउ परेका थिए । १३ वर्ष मुनिकी ती बालिकालाई बोहराले जथाभाबी छोएको आरोप लागेको छ । आरोपमाथी प्रहरीले अनुसन्धान गरिरहेकाले कुन कसुरमा मुद्धा अघि बढ्न अहिले नै एकिन भएको छैन । अनुसन्धानबाट खुल्ने तथ्य र प्रमाणका आधारमा मुद्धा अघि बढ्ने आँकलन गरिएको छ ।