एनआरएनएको सहयोगी मन, कुल आचार्यले दिए विद्यार्थीलाई न्यानो कपडा र स्टेशनरी

काठमाडौं । गैह्र आवासीय नेपाली संघ एनआरएनएको अध्यक्षका प्रत्याक्षी कुल आचार्यले नेपालमा गर्दै आएको सामाजिक कामलाई निरन्तरता दिदै आउनुभएको छ । एनआरएनएको बिवादका कारण निर्वाचन प्रक्रिया रोकिएपछि आचार्य लामो समय नेपालमै बस्दै आउनुभएको छ ।

उहाँले भरतपुर नगरपालिका–२८ गोलाघाट स्थित श्री राष्ट्रिय आधारभूत विद्यालयमा अध्ययनरत बालबालिकाहरुलाई स्टेशनरी तथा न्यानो कपडा वितरण गर्नुभएको छ ।

सामाजिक सञ्जाल फेसबुक मार्फत आचार्यले समाजसेवाको अवसर जुरेको र नारायणी अनि राप्ती नदीको पवित्र दोभान अवलोकन गर्ने अवसर पाएको जानकारि गराउनुभएको छ । एनआरएनएको भावि अध्यक्षका रुपमा मैदानमा रहनुभएका आचार्यले सबै सहयोगी मनहरुलाई धन्यवाद समेत दिनुभएको छ ।