अमेरिकामा आज प्रतिनिधिसभाका ४ सय ३५ र सिनेटका ३५ सिटका लागि मध्यावधि निर्वाचन

अमेरिका, एजेन्सी । अमेरिकामा आज मध्यावधि निर्वाचन हुँदैछ । प्रतिनिधिसभाका सबै ४ सय ३५ सिट र सिनेटमा ३५ सिटका लागि प्रतिस्पर्धा हुन लागेको हो ।

निर्वाचनको पूर्वसन्ध्यामा उम्मेदवार र प्रमुख राजनीतिक व्यक्तित्वहरूले मतदातालाई भोटका लागि अपिल गरेका छन । राष्ट्रपति जो बाइडेन र पूर्व राष्ट्रपति बाराक ओबामाले मतदातासमक्ष आफनो पक्षमा मत मागेकाछन । यस्तै पूर्व राष्ट्रपति डोनाल्ड ट्रम्पले पनि आफनो पक्षमा मत मागेकाछन । यो चुनावले राष्ट्रपति बाइडेनको बाँकी दुई वर्षको एजेन्डालाई पनि प्रभावित पार्नेछ । डोनाल्ड ट्रम्पले यहींबाट राष्ट्रपतिको लागि अर्को दौड घोषणा गर्ने अपेक्षा गरिएको छ ।