एसिया कपको उपाधी भारतको पोल्टामा, श्रीलंकाविरुद्ध ऐतिहासिक जित !

काठमाडौं । भारतले श्रीलंकालाई विना विकेटको क्षतीमा पराजित गर्दै एसिया कपको उपाधी हात पारेको छ । १५ ओभरमा अलआउट हुँदै श्रीलंकाले दिएको ५१ रनको झिनो लक्ष्य भारतले विना विकेटको क्षतीमा ६ दशमलब एक ओभरमै भेट्याएर उपाधी जितेको हो ।

भारतका लागि ओपनर ब्याट्सम्यान शुभमन गिल र इसान किसनले ५१ रनको साझेदारी गर्दै टिमलाई उपाधी जिताए । ६ दशमलब एक ओभरमा ५१ रन बनाउदा गिलले २७ रन र किसनले २३ रनको योगदान दिए । टस जितेर पहिले ब्याटिङ गरेको श्रीलंका १५ ओभरमा ५० रनमा अलआउट भएको थियो । भारतीय फास्ट बलर मोहम्मद सिराज एक्लैले ६ विकेट लिदा हार्दिक पाण्ड्याले तीन विकेट र जसप्रित बुमराहले एक विकेट लिएका थिए ।