महिला एशिया कप टी–२० क्रिकेट : यूएईलाई हराएर नेपालको शानदार सुरुवात !
![](https://nepaltube.com.au/wp-content/uploads/2024/07/Nepal-woman-cric-e1721392544504.jpg)
काठमाडौं । श्रीलंकामा शूरु भएको महिला एशिया कप टी–२० क्रिकेटमा नेपालले युएईमाथी ६ विकेटको ऐतिहासिक जित निकाल्दै नेपालले बिजयी शूरुवात गरेको छ । ओपनर ब्याट्सवुमन सम्झना खड्काले एक सय १६ रनको लक्ष्य पछ्याएको नेपालका लागि अबिजित ७२ रनको सानदार इनिङ खेल्दै शानदार जित दिलाएकी हुन । अहिलेसम्म तिन एसिया कप खेलेको नेपालले पहिलो जित हात पार्दै ऐतिहासिक सफलता प्राप्त गरेको हो ।
श्रीलंकाको दम्बुलामा टस हारेर पहिले ब्याटिङ गरेको युएईले नेपाललाई ११६ रनको लक्ष्य दिएको थियो । नेपालले १६ दशमलव १ ओभरमा ४ विकेट गुमाउँदै उक्त लक्ष्य पूरा ग¥यो । नेपालको जितमा सम्झना खड्काले सानदार ब्याटिङ गरिन् । ओपनर ब्याट्सवुमनका रुपमा मैदानमा उत्रिएकी सम्झनाले ४५ बलमा ११ चौकासहित ७२ रन बनाईन । सम्झना अन्तिम समयसम्म क्रिजमा टिकिरहीन र चौका प्रहार गर्दै नेपाललाई जित दिलाउन सफल भईन । पूजा महतो ७ रनमा नट आउट रहिन् । नेपालका लागी सीता रानामगरले ७, कविता कुँवरले २, कप्तान इन्दु बर्माले ६ र रुविना क्षेत्रीले १० रनको योगदान दिए । यूएईकी कविसा कुमारीले ४ ओभरमा १ मेडनसहित १२ रन खर्चेर ३ विकेट लिइन् । यसअघि, श्रीलङ्काको दम्बुलामा टस हारेर ब्याटिङ गरेको यूएईले २० ओभरमा ८ विकेट गुमाएर १ सय १५ रन बनाएको थियो । यूएईकी खुशी शर्माले ३६, कविशा इगोदागेले २२ रन बनाइन् । नेपालकी कप्तान इन्दु बर्माले ३ तथा सबनम राई, कृतिका मरासिनी र कविता जोशीले समान १ विकेट लिइन् ।
नवौँ संस्करणको महिला एशिया कप प्रतियोगिताको फाइनल खेल आउँदो जुलाई २८ मा हुनेछ । नवौँ संस्करणको प्रतियोगिता यस पटक चार टेस्ट र चार एसोसिएट गरी आठ वटा देश सहभागी छन् । एशिया कपमा नेपाल समूह ‘ए’ मा छ । यो समूहमा नेपाल, यूएई, भारत र पाकिस्तान छन् । यस्तै समूह ‘बी’ मा आयोजक श्रीलङ्कासहित, बङ्गलादेश, मलेसिया र थाइल्यान्ड छन् । यसअघि नेपाल एसिया कपमा २०१२ मा तीन र २०१६ मा ५ खेलमा नेपाल पराजित भएको थियो ।
तपाईको प्रतिक्रिया