अष्ट्रेलियाको स्मार्ट ट्रावलरको नेपालसम्बन्धी यात्रा परामर्श समीक्षा

काठमाडौं । अष्ट्रेलियाको स्मार्ट ट्रावलरले नेपालसम्बन्धी यात्रा परामर्श समीक्षा गर्दै सुरक्षा जोखिमको स्तर घटाएको छ।

१६ मार्च २०२६ मा जारी अपडेटमा सन् २०२५ को नागरिक अशान्तिपछि सुरक्षा अवस्था केही स्थिर बन्दै गएको जनाउँदै नेपालमा यात्रा गर्दा “उच्च सावधानी अपनाउन” सुझाव दिइएको छ। यद्यपि सम्भावित प्रदर्शन, बन्द–हडताल, प्राकृतिक विपद् तथा साना स्तरका घटनाको जोखिम रहन सक्ने भन्दै यात्रुहरूलाई राजनीतिक प्रदर्शनमा सहभागी नहुन, अशान्तिका बेला सरकारी भवन आसपास नजान भनिएको छ ।

स्थानीय सुरक्षा सूचनाहरू पालना गर्न समेत नेपाल भ्रमण गर्ने अष्ट्रेलियन नागरिकलाई आग्रह गरिएको छ।