निर्वाचन आयोगले आज निर्वाचन परिणाम प्रतिवेदन राष्ट्रपतिलाई बुझाउने 

काठमाडौं । फागुन २१ गते सम्पन्न निर्वाचन परिणाम प्रतिवेदन निर्वाचन आयोगले आज राष्ट्रपति रामचन्द्र पौडेलसमक्ष बुझाउने भएको छ ।

आयोगले बिहान ११ः३० बजे समानुपातिकतर्फ निर्वाचित सांसदलाई प्रमाणपत्र दिएपछि दिउँसो राष्ट्रपतिसमक्ष निर्वाचन परिणामसहितको समग्र प्रतिवेदन बुझाउने जानकारी दिएको हो । समानुपातिक सांसदलाई प्रमाणपत्र दिएर राष्ट्रपति रामचन्द्र पौडेललाई प्रतिवेदन बुझाएपछि बेलुकी ५ः३० बजे आयोगमा पत्रकार सम्मेलन गरिने प्रवक्ता नारायण प्रसाद भट्टराईले जानकारी दिनुभयो ।

राष्ट्रपतिले निर्वाचन प्रतिवेदन प्राप्त गरेपछि नयाँ सरकार गठनको प्रक्रिया अघि बढ्नेछ ।