प्रतिनिधिसभा विघटनको निर्णयविरुद्ध तीन वटा रिट सर्वोच्च अदालतमा

काठमाडौं । प्रतिनिधिसभा विघटन गर्ने सरकारको निर्णयविरुद्ध तीन वटा रिट निवेदन सर्वोच्च अदालतमा पेश भएका छन्। आइतबार राष्ट्रपति विद्यादेवी भण्डारीले मन्त्रिपरिषदको सिफारिसमा प्रतिनिधिसभा विघटन गरेपछि त्यसविरुद्ध अधिवक्ता कञ्चनकृष्ण न्यौपाने, सुलभ खरेल र लोकेन्द्रबहादुर ओली रिट लिएर सर्वोच्च अदालत गुहार्न पुगेका हुन् ।

सर्वोच्चका प्रेस विज्ञ किशोर पौडेलले रिट निवेदक धेरै हुनसक्ने भन्दै कर्मचारीले सबै रिट एकै पटक दर्ता गर्ने भनी प्रक्रियामा राखेको जानकारी दिए । तीन वटा रिट अदालतमा पेश भए पनि पछि आउने एउटै प्रक्रितिका अन्य रिट निवेदनसँगै दर्ता गरिने जनाइएको छ ।