ज्वालामुखी विष्फोट भएपछि अष्ट्रेलियामा सुनामी आउने खतरा, सचेत रहन सूचना

ब्रिजवेन/अष्ट्रेलियाबाट नजिकै प्रशान्त महासागरमा रहेको टोङ्गा भन्ने आईल्याण्डमा ज्वालामुखी विष्फोट हुदा सुनामीको जोखिमबढेको छ । समुन्द्र भित्र विष्फोट भएको ज्वालामुखीले पानीमा ल्याएको हलचलका कारण अष्ट्रेलियाको पुर्वी तटिय क्षेत्रमा सुनामीकोजोखिम बढेको मौसम व्युरोले जनाएको छ ।

ब्युरोका अनुसार शनिवार मध्यान्ह ज्वालामुखी विष्फोट भएको हो । ज्वालामुखी यति विशाल थियो कि त्यसको आवाज १ हजारकिलोमिटर पर रहेको फिजी र ९ हजार किलोमिटर टाढा रहेको अलास्कासम्म पनि मापन गरिएको थियो ।

अष्ट्रेलियाको कुईन्सल्याण्ड, न्यु साउथ वेल्स, भिक्टोरिया र तास्मानियाको तटिय क्षेत्रमा सुनामी आउन सक्ने र समुन्द्रमा पानी तह बढ्नसक्ने सुचना जारी गरिएको छ । गोलकोष्टमा समुन्द्रमा विशाल छालहरु आउन थालिसकेको स्थानिय संचारमाध्यमले जनाएको छ । सिड्नीमा बिचहरु बन्द गरिएको छ।

जोखिम हुने भन्दै समुन्द्रमा पौडी नखेल्न स्थानिय प्रशासनले सुचना जारी गरेको छ । सुनामी खतरा रहेको भन्दै प्यासिफिक देशहरु, न्युजल्याण्ड, क्यानाडा, अमेरिका र जापानले पनि सुचना जारी गरेको छ ।