मेलवर्न/ बेलायतकी महारानी एलिजाबेथ द्वितीयको निधन भएको छ । महारानीको निधन भएको खबर, आज बिहान साढे ३ बजे बकिङ्हमदरबारले विज्ञप्ती जारी गरि पुष्टी गरेको हो । विज्ञप्तीमा महारानीको निधन शान्तिपुर्ण तरिकाले भएको लेखिएको छ ।
स्कटल्याण्डस्थित बालमोरल शाहि निवासमा महारानीको निधन भएको हो । यस भवनमा महारानी गर्मीको छुट्टी मनाउन जाने गरेकोपाईन्छ ।
महारानीको ९६ वर्षको उमेरमा निधन भएको हो । एलिजाबेथ द्वितीयले बेलायतमा सन् १९५२ देखि हालसम्म ७० वर्षसम्म शासन गर्नुभएको थियो । अब बेलायतका नयाँ राजा उहाँको जेठा छोरा चार्ल्स हुनुभएको छ ।
महारानी एलिजाबेथ द्वितीय बेलायतमा सबैभन्दा बढी शासन गर्ने शासक बन्नु भएको छ ।
नयाँ राजा चार्ल्स तृतियले विज्ञप्ती जारी गर्दै आफ्नो प्यारी आमाको असामहिक निधनले आफु र आफ्ना सबै परिवारका सदस्यमा गहिरोचोट पुर्याएको बताउनुभयो । त्यस्तै उहाँको निधनले संसारलाई नै दुखित बनाएको समेत विज्ञप्तीमा उल्लेख छ ।
महारानीको पार्थिव शरिरलाई बालमोरलको निवासबाट स्थानिय समय अनुसार शक्रबार बिहान ईन्डिबर्ग लैजाने संभावना छ । दक्षिणलण्डन ल्याईनु अघि स्कटल्याण्डको राजधानीमा विशेष समारोह समेत गरिने बताईएको छ । रानीको पार्थिव शरिरलाई वेष्टमिनिस्टरहलमा चार दिन राखेपछि बकिङ्हम दरबारको सिंहासन कोठामा लगिने बताईएको छ । त्यसपछि महारानीको पार्थिव शरिरलाई सेन्टजर्ज च्यापलमा रिती अनुसार अन्तिम संस्कार गरिने छ ।
स्वर्गिय महारानी एलिजावेथ द्वितीयको सन् १९२६ अप्रिल २१ मा जन्म भएको थियो । बेलायतको राजसंस्थालाई संयुक्त राज्य बेलायतबाहेक अष्ट्रेलिया, क्यानाडा, न्युजिल्याण्ड लगायत अन्य १५ वटा देशले आफ्नो राष्ट्र प्रमुख मान्दछ ।
photo- BBC
लाइभ न्युज
तपाईको प्रतिक्रिया