अष्ट्रेलियाको पर्थमा चट्याङबाट ३ जना घाइते

काठमाडौं । अष्ट्रेलियाको पर्थमा आँधीबेहरीसँगै झरेको चट्याङबाट ३ जना घाइते भएका छन् ।

बिहिवार बिहान उत्तरी पर्थ उपनगर Hamersley क्षेत्रमा ७० वर्षका पुरुष र पूर्वी पर्थको Mount Helena क्षेत्रको एक स्कुलका दुई किशोरी चट्याङबाट घाइते भएका हुन । तीनजना नै खतरामुक्त रहेको बताइएको छ ।

अष्ट्रेलियामा प्रत्येक वर्ष १०० जना चट्याङबाट घाइते हुनेगरेको र पाँचदेखि दश जनाको मृत्यु हुनेगरेको सरकारी रेकर्डले देखाउछ ।

मौसम विज्ञान ब्यूरोले हल्का हल्का वर्षा र मेघगर्जनको सम्भावनाको पूर्वानुमान गर्दै सावधानी अपनाउन आग्रह गरेको छ ।