मन्त्र थकालीद्वारा बाढी प्रभावितलाई २१ लाख बढी सहयोग

काठमाडौं/ नेपालको चर्चित थकाली खानाको चेन रेष्टुरेन्ट मन्त्र थकालीले बाढी पिडितका लागि २१ लाख बढी सहयोग गरेको छ । सोमबार अर्थमन्त्री स्वर्णिम वाग्लेलाई भेटेर मन्त्र थकालीका संचालकहरुले २१ लाख ११ हजार १ सय ११ रुपैया प्रधानमन्त्री राहतकोषमा  हस्तान्तरण गरेको हो ।

विदेशबाट फर्केर २० वर्षअघि ४ जना महिला उद्यमीले मन्त्रको सुरुवात गरेको हो । पोखराको न्युरोडबाट सामान्य तबरले सुरु भएको मन्त्रको अहिले काठमाडौं र पोखरामा ४ वटा आउटलेटहरु छन् ।

विदेशबाट फर्केर पनि नेपालमै केहि गर्न सकिन्छ भने उदाहरण बनेको मन्त्र नेपाली थकाली खानाको पारखीहरुको लागि लोकप्रिय गन्तव्य बनेको छ । सामाजिक उत्तरदायित्व बोध गर्दै बाढी प्रभावितलाई सहयोग गरिएको मन्त्र थकालीकी एक सञ्चालक तृष्णा शेरचनले बताउनु भयो ।