भोटेकोशी बाढीपीडित बालबालिकालाई शेष घले दम्पतीको ५७ करोड ८५ लाखसम्म सहयोग

एनआरएनएका पूर्वअध्यक्ष शेष घले र उनका पत्नीले भोटेकोशी बाढी प्रभावित बालबालिकाका लागि ५७ करोड ८५ लाख रुपैयाँसम्म दीर्घकालीन सहयोग गर्ने भएका छन्।

राष्ट्रिय बाल अधिकार परिषद्सँग एमआइटी ग्रुप फाउन्डेसनले १८ वर्षमुनिका बालबालिकालाई कक्षा १२ सम्म सहयोग गर्ने समझदारीपत्रमा उल्लेख छ।

सहयोगबाट बालबालिकाको अवस्थाअनुसार शिक्षा, खाना, आवास, कपडा र स्वास्थ्य उपचार लगायतका आधारभूत आवश्यकता पूरा गरिनेछ।

घलेले बाढीको पानी घटेपछि पनि बालबालिकाको समस्या कायमै रहने भन्दै उनीहरूको भविष्य र शिक्षामा दीर्घकालीन साथ दिने बताएका छन्।