खगेन्द्र सत्यालको अध्यक्षतामा नेपाली सोसाइटी अफ तास्मानियामा नयाँ कार्यसमिति
ब्रिजबेन,अष्ट्रेलिया । नेपाली सोसाइटी अफ तास्मानियाले खगेन्द्र सत्यालको अध्यक्षतामा नयाँ कार्यसमिति पाएको छ । निवर्तमान अध्यक्ष अविनब आचार्यको अध्यक्षतामा शनिबार तास्कानियाको होबार्टमा सम्पन्न साधारण सभाले सत्यालको अध्यक्षतामा ९ सदस्यीय कार्यसमिति चयन गरेको हो ।
अध्यक्ष पदका लागि खगेन्द्र सत्याल र अरुणा पौडेलबिच भएको मतदानमा सत्याल विजयी हुनुभयो । निर्वाचन अधिकृत अर्जुन प्रसाईको रोहोवरमा अध्यक्षका लागि निर्वाचन भएको थियो । अन्य पदाधिकारीहरु भने सर्वसम्मतिले चयन भएका थिए । उपाध्यक्षका रुपमा मेघना राउत, सचिवमा बसन्त घिमिरे, कोषाध्यक्षमा डोल्मा शेर्पा, सदस्यहरुमा गायत्री पाण्डे, अनिल दंगाल, अनुज अधिकारी, विष्णु सापकोटा, पूर्णीमा श्रेष्ठ निर्विरोध निर्वाचित भए । यो कार्यसमितिको पदावधी एक वर्षसम्म रहनेछ ।
निर्वाचित भएसँगै अध्यक्ष सत्यालले संस्थाका पूर्व अध्यक्षहरुलाई सम्मान गर्ने, होबार्टमा संचालित पाठशालाको विकास गरेर स्तरिय बनाउने, नेपाली भाषा, कला र संस्कृतिको प्रवर्धन एवंम स्थानीय सरकारसँग आर्थिक सहयोगका लागि पहल गर्ने योजना रहेको जानकारी गराउनुभयो ।
तपाईको प्रतिक्रिया