उच्च रेकर्ड बनाउँदै न्यु साउथ वेल्समा थपिए १७५ कोरोना संक्रमित, थप २ जनाको मृत्यु

ब्रिजबेन, अष्ट्रेलिया । अष्ट्रेलियाको न्यु साउथ वेल्स राज्यमा अहिलेसम्मकै उच्च रेकर्ड बनाउनेगरि कोरोना संक्रमित थपिएका छन् । कोरोना भाइरसबाट अत्यन्तै प्रभावित बनेको यो राज्यमा पछिल्लो २४ घण्टामा १७५ जना संक्रमित थपिएका हुन ।

स्वास्थ्य विभागले थपिएका संक्रमितमध्ये ६० वटा केस सामुदायिक संक्रमणको भएको जानकारी दिएको छ । बाँकी तीन जना संक्रमित राज्यमा भित्रिएकाहरु भएको बताइएको छ । न्यु साउथ वेल्समा पछिल्लो २४ घण्टामा २ जनाको कोरोना संक्रमणबाट ज्यान गएको छ । कोरोनाको डेल्टा भेरियन्ट फैलिएपछि मात्रै न्य साउथ वेल्समा १० जनाको मृत्यु भएको छ ।

न्यु साउथ वेल्सका संक्रमित मध्ये १६९ जना अस्पतालमा रहेको र बाँकी ४६ जना उच्च निगरानीमा रहेको बताइएको छ । उपचाररतमध्ये १९ जनाको भेन्टिलेटरमा उपचार भइरहेको स्वास्थ्य विभागले जानकारी दिएको छ ।