सबैसँग मिलेर नेपाली समूदाय र विद्यार्थीको हक हितमा काम गर्ने अध्यक्ष गुरुङको प्रतिवद्धता(भिडियोसहित)

ब्रिजबेन । एनआरएनए अष्ट्रेलियाका नवनिर्वाचित अध्यक्ष नन्द गुरुङले चुनावी प्रतिबद्धता अनुसार सबै नेपाली समूदायको हकहित हुनेगरि क्रियाशिल हुने प्रतिबद्धता व्यक्त गर्नुभएको छ । विजयी भएपछि पहिलो पटक भिडियो सन्देष जारी गर्दै एनआरएनए अष्ट्रेलियाका अध्यक्ष गुरुङले रंग र वर्णको आधारमा विभेद नगरि अष्ट्रेलियाको नेपाली समूदाय, विद्यार्थीको हकहितका लागि काम गर्ने बताउनुभएको हो ।

साथै उहाँले निर्वाचन कमिटि र मतदातालाई धन्यवाद समेत दिनुभएको छ । प्रतिस्पर्धाका क्रममा विजयी हुने र हार व्यहोर्ने सबैलाई धन्यवाद दिनुभएका गुरुङले प्रतिद्धन्दी डा ज्ञानेन्द्र रेग्मीलाई समेत स्वच्छ प्रतिस्पर्धा र एनआरएन अभियानमा सकारात्मक साथ दिएकोमा धन्यवाद दिदै साझा र सबल एनआरएनको उद्देश्य पुरा गर्न सबैसँग सहकार्य गरेर अघि बढ्ने बताउनुभयो । नेपालमा लगानी प्रबर्दन, नेपालको प्रचार÷प्रसार, विद्यार्थीका समस्या समाधान, स्थानीयसँगै राज्य सरकारसँगको समन्वयमा अधिकतम ग्राण्ड लिने लगायतका प्रक्रिया प्रभावकारी रुपमा अघि बढाइने प्रतिस्पर्धा समेत नवनिर्वाचित अध्यक्ष गुरुङले गर्नुभएको छ ।

पुरा भिडियो सम्बोधन हेर्नुहोस्