प्रधानमन्त्री बालेन्द्र शाहलाई मोदीको बधाई

काठमाडौं- भारतका प्रधानमन्त्री नरेन्द्र मोदीले बालेन्द्र शाहलाई नेपालको नयाँ प्रधानमन्त्री हुनुभएकोमा बधाई दिनुभएको छ।

मोदीले दुई देशबीचको मित्रता र सहकार्यलाई अझ सुदृढ बनाउने आशा व्यक्त गर्नुभएको छ। भारतीय प्रधानमन्त्री मोदी नेपाली जनताले गरेको विश्वास र राखेका आशा अपेक्षा पुरा हुने विश्वास व्यक्त गर्दै सहकार्य गर्न तयार रहेको बताउनुभएको छ ।

भारतीय प्रधानमन्त्री मोदीलाई सामाजिक सञ्जालबाटै जवाफ फर्काउदै प्रधानमन्त्री बालेन्द्रले धन्यवाद दिनुभएको छ । नेपाल—भारतबीचको साझेदारी सम्बन्धलाई थप घनिष्ट बनाउने प्रतिबद्धता जनाउनुभएको छ ।